Situata në Elbasan/Boçi: Pothuajse i gjithë personeli mjekësor me Covid-19

Ish-deputeti i PD-së, Luçiano Boçi, thotë se në Elbasan, situata me Covid-19 është katastrofike. Për të, vetëm një Zot e di sesi do shmanget katastrofa shëndetësore që po troket, sepse qeveria thotë ai, është pa zot se kanë marrë pushime të gjata.

“Pothuaj gjithë personeli i Njësisë vendore të kujdesit shëndetësor, rezulton pozitiv. Situata është lënë në rënie të lirë dhe totalisht jashtë kontrollit. Asnjë karantinim, apo teste për rrethin e kontakteve të të prekurve. Rreziku është permanent dhe neglizhenca qeveritare absolute. Asnjë masë nga Ministria e Shëndetësisë për të pamundësuar përhapjen e virusit nga kjo strukturë e shëndetit parësor, kur dihet që kontaktet e tyre me publikun janë të shpeshta. Rama e Manastirliu flasin nga kullat e detit. Vetëm një Zot e di se si do shmanget katastrofa shëndetësore që po troket, sepse qeveria pa zot ka marrë pushime të gjata”.