Situata në Rinas/Të gjithë me maska dhe kontrolle të shumta (FOTO)

Prekja e Italisë nga virusi kinez, ka nxitur shtetin shqiptar që të shtojë masat e sigurisë. Në dogana dhe pika kontrolli janë pozicionuar stafe mjekësore që kontrollojnë çdo udhëtar që futet në territorin shqiptar. Siç shihet edhe në fotot e mëposhtme udhëtarët në Rinas u nënshtrohen kontrolleve që bëjnë stafet mjekësore.

Vetëm ditën e djeshme, me dyfishimin e personeleve mjekësore në pikat kufitare, janë vlerësuar dhe kontrolluar 4500 udhëtarë në total, të ardhur nga jashtë, veçanërisht nga Italia, ku koronavirusi ka shënuar viktimat e para., njoftoi ministrja e Shëndetësisë Ogerta Manastirliu.

Ajo tha se ministria ka protokollin kombëtar të punës për të përballuar situatën, sipas parametrave dhe udhëzuesve të OBSH-së. Ekspertë të Institutit të Shëndetit Publik, janë ata që trajnojnë bluzat e bardha në të gjitha shërbimet shëndetësore. Ministrja bëri të ditur, se strukturat e kujdesit shëndetësor në të gjithë Shqipërinë janë vendosur në gjendje gatishmërie.