Situata në Shkodër, Ministria: Niveli i ujit ka rënë me 30 cm

Sipas raportit të fundit nga Ministria e Mbrojtjes, situata në qarkun e Shkodër është drejt përmirësimit.

Ka rënie të nivelit të ujit rreth 30 cm krahasuar me një ditë më parë. Ministria e Mbrojtjes do të dergojë sot në zonat e prekura, 40 ton koncentrat dhe 30 ton bar të thatë për bagëtitë.

Edhe zv/kryeministrja Senida Mesi tha më herët se situata është drejt përmirësimit, ndërsa garantoi gatishmërinë e shtetit për ti qëndruar pranë banorëve që janë prekur nga përmbytjet.

Por qeveria edhe pse qarku jetoi nën ”mbretërinë e ujit” prej 20 ditësh, nuk e shpalli emergjencën civile edhe pse dëmet janë kolosale.