Soko: Reforma në energji më shumë zhurmë se punë, OSHEE-së i kanë borxh 588 mln euro

Reforma në energji është një çështje që vazhdon të ketë diskutim. U bë një zhurmë e madhe edhe për shkak të efektit social te qytetarët, por eksperët e shohin ende me shqetësim.

Eksperti i ekonomisë Pano Soko, i ftuar në emisionin “Ekopolitikë” ngriti shqetësimin që kompanitë i kanë borxh OSHEE. Sipas tij në total borxhet ndaj OSHEE janë 588 mln euro.

Pano Soko: Janë rreth 100 milionë euro të cilat i janë borxh OSHEE nga kompani private. Pra ne kemi arritur të rregullojmë atë pjesën e vogël të konsumatorit final për të paguar, për të qenë korrekt me pagesat, por nuk kemi rregulluar dot kompanitë e mëdha. Kemi akoma një borxh prej 100 mln eurosh. OSHEE e kemi të ngarkuar me 588 mln euro borxh nga të gjithë operatorët, përfshirë dhe kreditë. Reforma më shumë bëri zhurmë sesa punë.