Sokol Mjacaj lihet në burg

Gjykata e Shkodrës dha sot masën e sigurisë arrest me burg për Sokol Mjacaj, i dyshuar si autor i vrasjes së dy turistëve çekë në Prekal të Dukagjinit.

Masa e sigurisë iu komunikua nga gjyqtarja Ermira Dedja.

Në seancën gjyqësore ai pranoi autorësinë e vrasjes së dyfishtë, ndërsa mbërriti dhe u largua nga gjykata nën masa të forta sigurie, raporton Ora News.

Ndërkaq mësohet se gjatë seancës gjyqësore nuk kishte asnjë familjar të pandehurit, sikundër dhe e kishin lënë pa avokat.