Sokol Skurra: Fshatrat e Librazhdit prej 2 ditësh në errësirë totale (FOTO)

Koordinatori politik i LSI-së në Librazhd, Sokol Skurra ka denoncuar faktin që fshatrat në Librazhd prej dy ditësh janë në errësirë të plotë. ”Prej 2 ditësh zona Rrapun-Kuterman, nësia qendër Librazhd në errësirë totale. Megjithëse kjo zonë e pasur me ujëra, por e tharë nga hidrocentralet vazhdon të vuajë mungesën e dritave dhe investimeve në rrjet nga operatori i shpërndarjes. Shqetësimi i ngritur nga këta banorë vazhdon të mbetet dhe sot pa asnjë mbështetje nga qeverisja që do të marrë fund në 25 prill”,–shkruan Skurra.