Sondazhi i Report Tv! 62% e shqiptarëve duan burgosjen e Sali Berishës në qeli!

Prej 30 dhjetorit 2023, Sali Berisha është në izolim në banesë, pasi Gjykata e ka lënë në ”arrest shtëpie”.

Shumica e shqiptarëve e duan Berishën në burg. 62.6% e qytetarëve që janë pyetur në sondazhin e përmuajshëm të ”Report Tv” në bashkëpunim me Eduard Zaloshnjën janë dakord që SPAK t’i kërkojë GJKKO ”arrest në burg” për Berishën. 51.5% e qytetarëve thonë “po” SPAK të kërkojë arrest në burg, ndjekur nga 11.1% që përgjigjen “ndoshta po”.

Sipas shifrave të sondazhit që u publikuan në emisionin “Repolitix”, 14.7% nuk janë të vendosur nëse Berisha duhet të burgoset apo jo, ndërsa 22.7% shprehen kundër mbylljes së ish kryeministrit të akuzuar për korrupsion në qeli.