Soreca i dorëzon progres-raportin Rudina Hajdarit

Ambasadori i Bashkimit Evropian, Luigi Soreca i dorëzoi komisionit parlamentar të Integrimit, raport progresin e Komisionit Evropian që rekomandoi hapjen e negociatave.

“Është kënaqësi që kam mundësi të takohem me komisionin e integrimin evropian. Jam i lumtur që komisioni do të ketë mundësi të shqyrtojë elementët e raportit. raporti është për tu nxjerrë masat dhe për tu zbatuar më pas elementët e nevojshëm për përmbushjen e tij.

Jam i lumtur që japim këtë rekomandim pozitiv për Shqipërinë, i cili është pa kushte, topi është në fushën e këshillit që duhet të marrë një vendim lidhur me çeljen e negociatave të Shqipërisë.

Të gjitha palët duhet të tejkalojnë ndasitë dhe të jenë në një drejtim të përbashkët sa i takon integrimit”, tha Soreca, teksa i dorëzoi raportin kryetares së komisionit, Rudina Hajdarit.