Sot moti me kthjellime dhe vranësira, po pritet rritja e temperaturave

Dita e sotme mbetet me kthjellime dhe vranësira kalimtare deri në orët e mesditës kur pritet fuqizim i vranësirave në pjesën më të madhe të vendit duke sjellë në zonat juglindore dhe lindore shira afatshkurtër.

Gjatë fundjavës, bregdeti dhe pjesa më e madhe e zonave të ulëta dominohen nga kthjellime dhe vranësira kalimtare.

Temperaturat e ajrit do të rriten lehtë gjatë së shtunës, ndërsa rritje të ndjeshme sjell mesdita e së dielës në të gjithë territorin kur pritet maksimumi mbi 29°C.