SPAK, Besim Hajdarmataj pyetet për dosjet e “nxehta” dhe përgjimet nga Bild

Ka mbaruar në Këshillin e Lartë të Prokurorisë intervistimi i prokuroritë të Krimeve të Rënda, Besim Hajdarmataj.

KLP e ka pyetur prokurorin për dosjet më të nxehta, ndër to dojen “Shullazi”, “Tahiri” dhe “339”. EURALIUS dhe OPDATE e kanë pyetur prokurorin në veçanti për materialet e përgjimeve të publikuara nga gazeta “Bild”.

Prokurori është përgjigjur se përderisa Prokuroria për Krime të Rënda nuk ka patur një sektor të vetin për përgjimet, atëherë është e vështirë të përcaktohet nga kush kanë dal ato.

SPAK, Prokurori Behar Dibra s’paraqitet në KLP për intervistë: Më caktoni një datë tjetër

Prokurori Behar Dibra nuk është paraqitur në Këshillin e Lartë të Prokurorisë për të zhvilluar intervistën në kuadër të krijimit të SPAK.

Dibra ka dërguar pranë KLP-së edhe një letër me arsyet e mos paraqitjes, që sipas tij është i angazhuar me një proces gjyqësor.

Ai ka kërkuar nga KLP që t’i caktohet një datë tjetër për të dhënë intervistën për vlerësimin e tij për Strukturën e Posaçme Antikorruosion.

/Ora News