SPAK në aksion, kush është shefi i komisariatit që u arrestua nga Policia

Këtë të hënë SPAK dhe Policia ka zhvilluar një aksion në disa qytete të vendit, ndërsa në Fushë-Kuqe (Laç) kanë zbarkuar në banesën dhe lokalin e Gëzim Çelës, i njohur si trafikant droge. Ai është dënuar me 20 vite burg, ndërsa është ende në kërkim nga policia.

Gjatë aksionit kanë rënë në pranga disa efektivë të policisë si dhe një shef komisariati. Mësohet se i arrestuar është Dritan Meta, shefi i komisariatit të Kurbinit. Dyshohet se kishte lidhje me bandat kriminale të zonës.

Ndërkohë, aksioni i SPAK është shtrirë në Tiranë, Krujë, Durrës, Vlorë, Kurbin dhe Maminas.