Spartak Braho dje takoi në qeli Ballist Morinën.Çfarë i tha Ballisti? Kush fshihet pas arrestimit?
I pyetur nga “Koha Jonë” se pse ishte dje në qelinë e të arrestuarit nga policia Ismail (Ballist) Morina, heroit që ngriti dronin mu në mes stadiumit në Beograd, deputeti dhe kryetari i Komisionit Parlamentar të Sigurisë Kombëtare tha si më poshtë:
Isha në takim me të burgosurin Ismail Morina thjesht për arësye njërzore si bashkëtifoz i kombëtares, si njeri prej 3 milion kuqezinjve një ditë pas fitores së madhe në Armeni dhe kualifikimit për në kampionatin Europian në Francë. Unë si mjaft shqiptarë tifozë të kombëtares tonë kam ndjekur çdo ndeshje të saj dhe kam shoqeruar ekipin edhe në Beograd vitin e kaluar .Kam qenë deshmitar jo vetem i xhiros së dronit mbi stadium, por edhe i dhunës , egërsisë që u përdor nga tifozët serb ndaj lojtarëve të ekipit tonë ,si dhe ndaj tifozëve shqiptarë. Skena rrënqethëse përjetuam . Më vonë u mor vesh se një kuksian nga fshati Shënmeri kishte qenë autori i atij '' provokimi '' etnik që çmendi serbët dhe politikanët e tyre.
Takova Ismail Morinen edhe për një arësye tjetër, doja nga afër të kuptoja dhe të dëgjoja prej tij motivin e atij veprimi në stadiumin e Beogradit, pasi çfarë nuk u tha për të. Dhe kuptova se nuk mund të ndaje dot Ismail Morinen tifoz i çartur kuq e zi, nga patrioti dhe atdhetari ,dashurinë nga urrejtja , aventuren nga protagonizmi. Sa personal aq edhe i ndikuar nga rrethi i tij krahinor dhe shoqeror.Të gjitha bashkë pa i mendur gjatë . Edhe për sikletin e pasojat ,por veçse pa ligesi dhe përfitim. Dhe ky njeri pas kësaj u gjet në mes të rruges , i braktisur , i presionuar e i kërcënuar me jeten e tij dhe të familjes e që bridhte rrugeve të Tiranes duke kërkuar mbrojtje e siguri nga shteti i tij , për jeten e familjes dhe tijën. Ai takoi shumë , por kërkush nuk veproi. Si të gjithë tifozat kuq e zi edhe Ismaili ishte i deshiruar për ta ndjekur revanshin futbollistik Shqipëri-Serbi. Por nuk u bë mundur , ndërkohë që Keshilli Bashkiak i Kukesit përgatitej ti jepte titullin '' Qytetar Nderi '', ndoshta edhe si presion mbi organet shteterore që sajuan edhe pengesa për të mos e lejuar ditën e ndeshjes jo vetem në stadium , por edhe qendrimin në Tirane, ndërkohë që ky kryetifoz kuq e zi vazhdonte të kërcënohej jo vetem elektronikisht , por edhe direkt, fizikisht. Kush?- e pyeta- kush?- dhe ai nuk foli. Me tha vetem kaq : Unë jam i dënuar me vdekje herët ose vonë .Këtë gjë ia kam thënë edhe NEY YORK TIMES.
Ismail Morines policia i kapi me vete një pistoletë të vjetër, që as nuk qëllon dot . Për siguri – më tha- bëra një provë edhe në fshat , por nuk pashë ku më ikën plumbat , megjithatë e vura e brez , jo si cub , por publikisht . Të gjithë e dinin që unë jo vetëm kërcënohesha , por edhe ruhesha për tu vrarë .Këtë gjë ia kisha thënë edhe Shtetit tim . Por shteti im më futi në burg- më tha i zhgënjyer.
Unë nuk jam i rrezikshëm për askënd, por duan të më marrin jetën mua dhe familjes time për atë që bëra për kombin tim shqiptar në mes të stadiumit serb dhe po të them se po të më kishin kapur do më varnin mu në mes Beogradit- shtoi Morina në qeli.
Kështu më tha Ismail Morina në qelinë e burgut dhe mendonte për familjen e tij pa lekë, pa mbrojtje, pa asgjë e cila është në mes të udhëve tani që ai është në qeli.
Gjithsesi këto janë gjëra që Ismail Morina do ti sqaroj në gjyq dhe nuk dua të shtyhem më tutje pasi shpresoj për një gjykim të drejtë në këtë rast nga ana e drejtësisë. Së fundmi e takova Ismail Morinën edhe për një arësye tjetër . Ai është familjar; gruaja dhe dy fëmijët , shtetas italianë , kanë mbetur në mes të katër rrugëve, të mjeruar e pa ndihmë ekonomike, atje në Milano . Një apel për bashkëtifozat tanë kuq e zi .Ndihmoni njeriun dhe shqiptarin patriot Ismail Morina , që është i burgosur , të përballojë vështirësitë ekonomike për rritjen e fëmijëve sa kohë është në izolim! Ndoshta këtë mision humanitar mund ta drejtoje edhe gazeta ''Koha Jone '' duke çelur një numur llogarie për familjen ''Morina''. Ne të gjithë duhet ta ndihmojmë e ti qëndrojmë afër bashkëkombesit tonë patriot ,bashkëtifozët tanë kuq e zi në këto ditë sa të gëzuara për ne, por edhe aq të hidhura për Ismail Morinën.
U largova nga burgu i Vaqarrit duke lenë mbrapa fytyren leshatore dhe sytë e tij që shprehin hidherim e çudi, se si nuk e arrestuan dot serbët, por e futën shqiptarët!
Ja pra pse isha në qeli tek ai, përfundoi Braho për “Koha Jonë”.
Shënim i redaksisë së “Koha Jone”:
Jemi plotësisht në përkrahje për të mbështetur financiarisht familjen e Ismail Morinës dhe do të derdhin kontribut financiar, sipas takatit tonë si gazetë, por për ta menaxhuar këtë nisëm dhe anën financiare duhet ta ndërmarrë një shoqatë sportive, apo më mirë se Tifozat Kuq e Zi nuk mund ta bëjë njeri.
Ta ndihmojmë!