Spitali psikiatrik në Shkodër/ I riu me probleme mendore godet mjekun, Gokaj: S’kemi dhomë izolimi

Një natë tmerri ka qenë ajo e së martës për punonjësit e spitalit psikiatrik në Shkodër. 25-vjeçarime probleme të shëndetit mendor, ka dhunuar personelin e spitalit psikiatrik duke goditur infermierin që ishte në turn. Mësohet se pacienti në agresivitet e sipër ka thyer xhamat e godinës dhe recepsionin e spitalit.

Mjekja Mirela Gokaj, ka sqaruar të gjithë ngjarjen. Ajo thotë se ka pasur edhe raste të tjera, ndërsa ka ngritur shqetësimin e mungesës së infrastrukturës në spitalin psikiatrik të Shkodrës, ku mungon dhoma e izolimit dhe pajisjet mbrojëse.

“Ka ardhur për hospitalizim dhe ka kërkuar ndihmë psikiatrike një djalë 25-vjeçar në gjendje të rëndë të shëndetit mendor. Ka ardhur i shoqëruar familjarët nga ambulanca dhe forcat e rendit. I kemi bërë ndërhyrje mjekësore, por për shkak të kushteve dhe infrastrukutrës së spitalit ku mungon dhoma e izolimit, një orë pas marrjes së terapisë është agjituar. Fatmirësht të gjithë jemi mirë, por ka vazhduar më tej pjesa e acarimit të gjendjes së tij duke e shprehur agresivitetin kundrejt ambienteve të spitalit, ku ka bërë një destruksion masiv. Ka tentuar të thyejë xhamat e makinave, ka reaguar policia. Pacienti është dërguar në psikiarti. Infermieri është mirë, por të gjithë si staf që kemi qenë në shërbim jemi psikologjisht dhe emocionalisht të traumatizuar”, tha Gokaj.

25-vjeçari përveç problemeve mendore ishte përdorues edhe i lëndëve narkotike. Mësohet se ky nuk është rasti i parë i dhunës ndaj bluzave të bardha në spitalin psikiatrik të Shkodrës