Stafet mjekësore të rrezikuara nga koronavirusi, 3 mjekë dhe infermierë rezultojnë pozitivë me COVID-19

Në vendin tonë, në 24 orët e fundit janë konfirmuar edhe 13 raste të reja me virusin korona. Kështu, numri i të infektuarve në total rritet në 1,197. Rastet e reja janë regjistruar: 11 në Tiranë, 1 në Krujë dhe 1 në Shkodër.

Po ashtu, njoftohet se mes 13 të infektuarve, tre janë personel shëndetësor, nga 39 të testuar, kontakte të rasteve të mëparshme pozitive.

Sa i përket situatës tek shërbimi Infektiv, aktualisht po trajtohen 23 të prekur, nga të cilët 5 janë në terapi intensive, njëri prej tyre është i intubuar. Rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes.