Strazimiri i kthehet keq Gjiknurit: A më gjen dot një model jo-afrikan ku ai që është kapur në flagrancë duke “i q… nonën” zgjedhjeve?

Ish-deputeti i Partisë Demokratike Gent Strazimiri i është përgjigjur deklaratës së përfaqësuesit të Partisë Socialiste në Këshillin Politik të Reformës Zgjedhore, Damian Gjiknurit lidhur me modelin që kërkohet për realizimin e hapjes 100 % të listave të kandidatëve për deputetë.

Përmes ironisë teksa i kujton dhe dosjet e famshme të përgjimeve të publikuara edhe nga gazeta gjermane “Bild”, ku flitet për krimet zgjedhore në zgjedhjet e kaluara ku rezultojnë të përfshirë zyrtarët më të lartë të PS-së, Strazimiri e sfidon Gjiknurin duke i thënë që të tregojnë një model jo-afrikan ku ai që është kapur në flagrancë duke “i q… nonën” zgjedhjeve, jo vetëm që vazhdon të dalë në publik për punë zgjedhjesh, por edhe guxon të vendosë kushte e ultimatume “evropiane” për “garantimin e zgjedhjeve të drejta, të lira e të ndershme” …

Reagimi i Strazimirit

Tërmet,

ne gjejmë sa të duash modele evropiane ku gjen pasqyrimin propozimi ynë për zgjedhje evropiane!

Po ti a gjen dot një model jo-afrikan ku ai që është kapur në flagrancë duke “i q… nonën” zgjedhjeve, jo vetëm që vazhdon të dalë në publik për punë zgjedhjesh, por edhe guxon të vendosë kushte e ultimatume “evropiane” për “garantimin e zgjedhjeve të drejta, të lira e të ndershme” …

Ke kohë deri nesër në orën 11.00!!!!

Tik-tak, tik-tak…?

KAQ!