Strazimiri: Mashtrim i zakonshëm Ramës me uljen e numrit të vrasjeve. Mafia dhe integrimi nuk shkojnë bashkë

Ish-deputeti i Partisë Demokratike Gent Strazimiri ka reaguar ashpër lidhur me shifrat e kriminalitetit në vend të ofruara nga kryeministri Edi Rama.

Në cilësinë edhe të ish-zëvendësministrit të Brendshëm, Strazimiri i kujton Ramës se mafia dhe integrimi nuk shkojnë bashkë, kanë agjenda të kundërta!

Në reagimin e tij përmes rrjeteve sociale, Strazimiri shprehet se një ditë pasi Kancelarja Merkel i telefonon dhe në emër të integrimit i kërkon të luftojë krimin e organizuar, ky mashtrimi i zakonshëm i Edi Ramës me “uljen e numrit të vrasjeve” merr përmasa karshillëku ndërkombëtar.

Reagimi i Strazimirit

Karshillëk Kancelares Merkel…?!

Një ditë pasi Kancelarja Merkel i telefonon dhe në emër të integrimit i kërkon të luftojë krimin e organizuar, ky mashtrimi i zakonshëm me “uljen e numrit të vrasjeve” merr përmasa karshillëku ndërkombëtar…

Them karshillëk, sepse ky e di që edhe Kancelarja Merkel e di, pasi këtu veç ambasadës ka edhe ca duzina oficerësh të Bundeskriminalamt të instaluar në Tiranë, pikërisht se ky është bërë njësh me krimin.

Për Kancelaren Merkel dhe Gjermaninë, “hëngshin kokat e njëri-tjetrit” nuk është as strategji e as luftë kundër krimit.

Për Kancelaren Merkel dhe Gjermaninë, të llogarisësh 3 të vrarë si 1 vrasje të vetme, është mashtrim i ulët.

Ky karshillëk prej mashtruesi ordiner,  tregon se sa seriozisht e ka, dhe pse nuk e do integrimin….

Mafia dhe integrimi nuk shkojnë bashkë, kanë agjenda të kundërta!

Kancelarja Merkel dhe Gjermania po bëjnë të pamundurën që ne të integrohemi!

PENGESA ËSHTË QEVERIA!

#25_prill

#hiqe_me_votë_pengesën_e_integrimit

https://www.facebook.com/gent.strazimiri.3/posts/3495583563832714