Struktura e Mbrojtjes së votës në PD? Komisioneri Celibashi: S’kemi pasur asnjë raportim

Në Komisionin e Ligjeve sot Ilirjan Celibashi prezantoi raportin vjetor të KQZ për 2021-shin, vit që përkon me zgjedhjet parlamentare. Kryekomisioneri tha se KQZ-ja nuk ka patur raportime për veprimtarinë e Strukturës së Mbrojtjes së Votës të ngritur nga PD.

“Nuk kemi patur asnje lloj raportimi për kontakte nga ana e monitoruesve as kominikim me strukturën e mbrotjes së votës”, tha Komisioneri.

Mazhorancë legjitime, e quajti kryekomisioneri Ilirjan Celibashi, fituesen e dalë nga zgjedhjet e 25 prillit, teksa iu përgjigj skepticizmit të deputetëve të opozitës në Komisionin e Ligjeve.

“Mazhoranca e dalë nga këto zgjedhje dhe gjithë qeveria e dalë nga këto zgjedhja kanë të gjithë legjitimin e duhur. Natyrisht që ka edhe problematika, dhe mjaft të mprehta të cilat duhet të adresohen”.