Studentët: Rikthehen protestat, ose qeveria të na japë bonus 10 mijë lekë të reja

Më të prekurit nga situata ekonomike janë studentët dhe familjet e tyre. Rritjet e çmimeve në menca, shtrenjtimet e qirasë së shtëpive, si tarifat e shkollës i kanë detyruar studentët që të dorëzojnë një peticion me 5000 firma, ku kërkojnë mbështetje financiare prej 10 mijë lekësh të reja. Jetesa është bërë e pamundur ndërsa pjesë e mirë e studentëve e kanë lënë në plan të dytë shkollën, duke vënë në plan të parë punën.

“Ne si studentë, kemi tarifa shumë të larta, kemi çmimet e shtëpive me qira dhe konvikteve shumë të larta, ushqimet janë rritur, çmimet e transportit urban janë rritur. Pra e gjithë kostoja jonë e mbijetesës në Tiranë është rritur dhe na është bërë i papërballueshëm arsimimi”.

Ata gjithashtu shprehin dhe pakënaqësi të tjera duke filluar që nga Karta e Studentit që e cilësojnë dështim total. Studentët paralajmëruan se do vijojnë ta ngrenë zërin për të gjithë problematikat e tyre dhe nëse zëri nuk ju dëgjohet, do të ngrihen në protesta.