Studentja 20-vjeçare që u hodh nga pallati, shkak ndarja nga i dashuri

Mbi vetëvrasjen e 20-vjeçares nga qyteti i Fierit, e cila u hodh nga kati i 11-të i një pallati mbrëmjen e djeshme në kryeqytet, policia ka arritur sot të zbardhë detaje mbi shkaqet që e çuan atë në aktin ekstrem.

Sipas policisë studentja e Fakultetit Ekonomik Klea Shyti është hedhur nga kati i 11-të i një pallati, ku edhe gjeti vdekjen e menjëhershme. Ngjarja e rëndë ndodhi në një pallat pranë ish-parkut të autobusëve në kryeqytet.

Klea Shyti, 20 vjeçe, nga Fieri prej pak kohësh ishte ndarë nga i dashuri.

Në gjendje të rënduar psikologjike, mësohet se 20-vjeçarja mori vendimin për t’i dhënë fund jetës në një mënyrë të tillë.