Studiuesit meksikanë krijojnë një maskë fytyre që neutralizon COVID-19

Studiuesit në Universitetin Kombëtar të Meksikës (UNAM) kanë krijuar një maskë për fytyrën që neutralizon SARS-CoV-2, virusin që shkakton COVID-19.

Maska u krijua duke përdorur nano-shtresa argjendi dhe bakri, thuhet në gazetën zyrtare të universitetit.

UNAM po e quan maskën e fytyrës me tre shtresa antimikrobike SakCu; Sak do të thotë argjend në Mayan dhe Cu është simboli kimik për bakrin.

Për të testuar maskën, studiuesit morën pika me virusin nga pacientët pozitivë me COVID-19 në Spitalin Juarez në Meksikë dhe i vendosën në shtresën argjend-bakër të depozituar në polipropilen.

Kur maska vendoset nga një individ, ajo përballet me virusin dhe e vret atë duke mos lejuar të depërtojë tek trupi i njeriut.

UNAM tha se kur përqendrimi viral ishte i lartë, virusi u zhduk nga maska me më shumë se 80% në rreth tetë orë. Ndërsa kur ngarkesa virale ishte e ulët, në dy orë asnjë pjesë nga ARN e virusit nuk ekzistonte më.

“Pas kontaktit me nano-shtresën prej argjendi-bakri, membrana SARS-CoV-2 prishet dhe ARN-ja e saj dëmtohet,” tha gazeta. “Kështu, edhe nëse SakCu hidhet në mënyrë jo të duhur, nuk do të jetë problem pasi nuk mbetet i kontaminuar, si shumë nga maskat që hidhen.”

Maska e fytyrës është e ripërdorshme dhe mund të lahet deri në 10 herë pa humbur vetitë e saj biocide.

UNAM po e prodhon këtë maskë për fytyrën dhe tha se aktualisht ka kapacitetin për të prodhuar 200 prej tyre në ditë.

Në galeri mund të shikoni ekipin e shkencëtarëve që kanë vendosur këtë maskë dhe disa njerëz të tjerë.