Surprizon kryeministri Rama, tregon veprën artistike të Zahos: E ka bërë pa asnjë ndihmë

Kryeministri Edi Rama gjatë intervistës ‘live’ që dha mbrëmjen e djeshme nga shtëpia e tij për emisionin ‘Zonë e Lirë’ tregoi edhe një vepër shumë interesante të punuar nga djali i tij i vogël, Zaho.

Punimin e Zahos, Rama kishte zgjedhur që ta vendoste në zyrën e tij, ku nga ana tjetër qëndronte një vazo e punuar prej tij, të cilën tha se ia kishte dhuruar bashkëshortes.

“Në të djathtën time është një vazo që e kam krijuar me duart e mija dhe ia kam dhuruar gjysmës sime më të mirë, dhe nga krahu tjetër është Kuasimodo që e ka bërë Zaho”.

Rama tha se ai e ka bërë plotësisht vetë dhe pa asnjë ndihmë.

“Ka qenë me mua një ditë atje dhe e bëri”, u shpreh Rama.