Tahiri për ish-drejtorin e policisë: Shpresoj të jetë ai burrë që kam njohur

Ish-ministri i Brendshëm, Saimir Tahiri, në emisionin ”Të Paekspozuar” në Top Channel, është ndalur edhe tek ish-drejtori i policisë së Vlorës, Jaeld Çela, i cili është shpallur në kërkim nga policia pasi akuzohet për përfshirje në kultivimin e lëndëve narkotike.

Ndaj tij, Tahiri ka një mesazh. ”Një drejtues policisë, Jaeld Çela, është akuzuar nga policia për përfshirjen në kultivimin e lëndëve narkotike, unë nuk e di nëse është e vërtetë, shpresoj shumë që Çela të jetë ai burrë që unë kam njohur. Nëse është e kundërta atëherë ai të mbajë përgjegjësinë e tij”,-tha Tahiri.