Tani urgjencat e Tiranës i pret ”Shefqet Ndroqi”, gazetari: Rënie e shkallës së pozitivitetit

Në bazë të rrotacionit 1-mujor, prej ditës së nesërme në spitalin Covid 1 do të trajtohen veç rastet e pacientëve që vijnë nga jugu i Shqipërisë, pasi urgjencat e Tiranës do t’i kalojnë spitalit ”Shefqet Ndroqi”. Sipas gazetarit Erjon Skëndaj, 4 spitalet covid nuk po punojnë me kapacitet të plotë, pasi ka ende shtretër të lirë.

Në spitalet Covid 1dhe 3, janë të shtuar rreth 170-1800 pacientë me Covid, ndërsa ka ende 100 shtretër të lirë. Skëndaj tha se rastet e urgjencave vijnë në gjendje të rëndë në spitale. Lajmi i mirë është fakti se ka një rënie të pozitivitetit tek numri i testimeve, pra 1/5 e personave janë pozitivë.

Sot u regjistruan 660 raste të reja me Covid dhe 5 viktima. Që prej fillimit të pandemisë, Shqipëria ka regjistruar 65994 raste të infektimit, ndërsa nuk kanë mundur dot të fitojnë betejën me virusin 1261 persona.