“Të drejtat e grave në tregun e punës”, Aleanca Gjinore për Zhvillim: Mbi 78% e grave të larguara nga puna, pa ndihmë ekonomike

78.8%  e vajzave dhe grave të larguara  nga puna  në fasoneri  që ka korriku i vitit të kaluar,  nuk kanë përfituar asnjë ndihmë ekonomike  apo asistencë sociale për papunësi ndërsa 88.3% e tyre  nuk kishin as informacionin  për  procedurën që duhej ndjekur  për të marrë pagën e papunësisë. Ky është rezultati i  prezantuar nga  sondazhi i “Alencës Gjinore për Zhvillim”  lidhur me  të drejtat  e grave punonjëse në fabrikat fasone.

Këshilltar i Ministrit të Financave dhe Ekonomisë, Majlinda Demko  thekson se kërkesat për punësim në këtë sektor gjatë vitit të kaluar ka qënë më i lartë

“Sipas të dhënave që ne kemi për vitin 202 në sektorin e fasonëve rezulton që ka pasur të regjistruara 6280 kërkesa për punësim, nga të cilat 4175 kanë qenë të reja, ndërsa 1205 për zëvendësim punonjësish, pra jo për vende të reja pune.

E pranishme në  tryezë,  deputetja Vasilika Hysi  tha se kodi i punës ka probleme në zbatim . Hysi theksoi rëndësinë për  forcimin e kontrollit parlamentar  në lidhje me  të drejtat  dhe liritë  e sanksionuara me ligj në kodin e punës

Paga minimale dhe rritja e saj ose nxitja e programeve të punësimit që janë lancuar kanë nevojë të monitorohen. Për këtë doja edhe bashkëpunimin e organizatave civile edhe mediave, se sa paguhen, nëse paguhen realisht për aq sa është, apo punonjësit vazhdojnë e kthejnë mbrapsht një pjesë të bankës apo kushtet e punës. ”

sondazhi  është kryer në  shtator të vitit të kaluar duke nxjerrë në pah  problemet  në sektorin fason të bëra edhe më të dukshme  për shkak të pandemisë.

/ SCAN