Të izoluar nga përmbytjet në Torovicë, banorët-Bashës: Askush në qeveri s’ka pyetur për ne

Kreu i PD-së, Lulzim Basha pasi ka parë nga afër banorët e zonave të përmbytura në Shkodër është ndalur edhe në Torovicë të Lezhës. Fatmirësisht uji nuk ka hyrë ende në banesa, por i ka rrethuar ato, ndërsa ka nxjerrë jashtë funksionit tokat e të mbjellat e tyre. Banorët ngrenë sytë nga qielli dhe kërkojnë ndihmë, sidomos për qarkullimin e tyre. Ata thotë se askush nga qeveria nuk ka ardhur të interesohet për ta, t’i pyesë nëse kanë me se të ushqehen. Nesër rinis mësimi, banorët thonë se 44 fëmijë janë totalisht të izoluar.

Basha: Si jeni?

Banori 1: Si në ujë

Basha: Është fut nëpër shtëpi?

Banori 1: Jo ende, por na ka mbyt ca ka gjet me jonxhë me grurë…

Sa ka shkuar lartësia e ujit?

Banori 1: Për zotin 80 cm

Basha: Sa familje janë?

Banori 1: Dy lagje këtu, mund të jenë më shumë se 50 familje me dëmtime, ja shifeni të gjithë nën ujë. S’ka ardh njeri i gjallë nga kjo qeveri me të pyet ca ka hëngër ky popull. A ka ndonjë të sëmurë? Si do dalë në rrugë?

Basha: Sa kohë ka kështu?

Banori 1: Na kështu i kemi tokat nën ujë që kur ra tërmeti e sëmundja, Tokat të përmbytura të tëra populli i madh, as prodhim kemi, asgjë.

Banori 2: Është çarë asfalti a e patë?

Basha: E pashë, por besoj e patë edhe ju çfarë kishte poshtë asfaltit

Basha: Pra 70 famije keni ngel të izoluar këtu?

Banori 2: Po, po imagjino nesër ka 44 fëmijë që duhet të shkojnë në shkollë. Ndaj i bëjmë thirrje për fëmijët ministrisë.