Të ndaluarit për tërmetin para gjykatës, sot jepen masat

Gjykata Penale do të vendos sot paradite mbi masën e sigurisë për 31 te arrestuarit në Tiranë për tërmetin e 26 nëntorit.

Nga 31 të ndaluar prokuroria kërkoi ”arrest me burg” për 13 prej tyre. Ndër ta janë dhe dy ish-krerët e komunave, ai i Farkës, Fatbardh Plaku, i Kasharit, Besnik Fuçia si dhe ndërtues e ish zyrtarë të inspektoriateve të ndërtimit.

Ata akuzohen se kanë favorizuar ndërtimin e objekteve që u shemben, jashtë kritereve, në kundërshtim me lejet e lëshuara. Në disa godina të dëmtuara nga tërmeti, janë konstatuar dhe ndërhyrje në struktura.

Të ndaluarit dolën dje para gjykatës, por gjyqtarja Vjollca Spahiu kërkoi më shumë kohë për të vlerësuar pretendimet e ngritura. Seanca pritet të fillojë në orën 10:00.