Të rinjtë në Elbasan bëjnë sherr dhe nuk u binden policëve

Një sherr mes të rinjëve është rejistruar këtë pasdite në qytetin e Elbasanit. Sipas informacioneve të Policisë së Shtetit, një konflikt midis disa të rinjve ka ndodhur në lagjen “Brigada e 17 Sulmuese”.

Po ashtu në njoftimin për mediat, konfirmohet se në momentin që kanë shkuar efektivët e rendit për të parandaluar përshkallëzimin e konfliktit, personat e përfshirë në konflikt fizik nuk i janë bindur atyre.

“Punonjësit e Policisë kanë shoqëruar në Komisariatin e Policisë Elbasan tre persona, për veprime të mëtejshme procedurale”, thuhet në një njoftim. Sqarohet se nuk ka punonjës policie dhe as mjete të policisë të dëmtuar.