Ekzekutohet me armë zjarri 41-vjeçari në Fier. Policia identifikon autorin e krimit
Një atetntat ka ndodhur paraditen e sotme në Fier. Ekzekutohet me armë zjarri 41-vjeçari me inicialet E.J., ndërkohë policia bën me dije se ka identifikuar autorin e krimit.
Ngjarja ka ndodhur në lagjen “16 Prilli” e njohur si lagjja e “ Baçkallinjve” në Fier.
“Rreth orës 11:00, në lagjen “16 prilli”, është vrarë me armë zjarri shtetasi E. J., 41 vjeç, banues në Fier. Shërbimet e Policisë, sapo kanë marrë njoftim, kanë shkuar menjëherë në vendngjarje, kanë identifikuar autorin dhe po punojnë për kapjen e tij. Janë ngritur pika kontrolli në çdo aks rrugor, si dhe vijon intensivisht krehja e zonës. Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe kapjen e autorit”, njofton policia.
