Tedi Blushi: Zero shqetësim për çdo vendim nul të Kuvendit njëpartiak. Presidenti në detyrë deri në korrik 2022

Zëdhësi i Presidentit, Tedi Blushi, ka reaguar lidhur me mbledhjen e Komisionit Hetimor për miratimin e raportit përfundimtar për shkarkimin e kreut të shtetit.

“Asnjë koment dhe zero shqetësim për çdo vendim nul apo veprimtari antikushtetuese dhe antiligjore të Kuvendit njëpartiak, që tenton me dëshpërim të shmangë vëmendjen nga debati publik për krimet e faktuara zgjedhore të 25 prillit, autorët dhe frymëzuesit, tutorët dhe bashkëpunëtorët e tyre, të angazhuar në këtë farsë kundër të vetmit institucion, që respekton dhe mbron Kushtetutën e Republikës së Shqipërisë dhe sovranitetin e saj.
Presidenti i Republikës Sh.T.Z Ilir Meta do të vazhdojë të ushtrojë detyrën e Tij deri më 24 korrik 2022, me të njëjtën përgjegjësi të lartë, vetëm në respekt dhe mbrojtje të Kushtetutës dhe interesit kombëtar“,-shkruan Tedi Blushi në reagimin e tij në Facebook.