Telefonata Biden-Zelensky, ja për çfarë u diskutua 1 orë

Presidenti i SHBA-ve, Joe Biden dhe homolgu ukrainas Voldymyr Zelensky, kanë zhvilluar një bisedë telefonike. Biseda mes tyre zgjati rreth një orë, ndërsa Shtëpia e Bardhë thotë se Biden ka shprehur mbështetjen e vazhdueshme të SHBA-ve në Kiev kundër agresionit të Rusisë.

“Sapo përfundova një bisedë një orëshe me Biden. Vlerësimi i përbashkët i situatës në fushën e betejës dhe në tryezën e bisedimeve. U fol për mbështetje specifike për mbrojtjen tonë, një paketë të re sanksionesh të përforcuara, ndihmë financiare dhe humanitare”, shkruan Zelensky në Twitter.

Presidenti Biden foli për angazhimin e Shteteve të Bashkuara dhe aleatëve të saj për të ofruar ndihmë ushtarake, ekonomike dhe humanitare për Ukrainën.