Tentoi të vriste të dashurin e gruas, parandalohet tragjedia në Kukës

Një ngjarje e rëndë është parandaluar në Kukës, ku një shtetas 30 vjeçar ka rënë në pranga të policisë, pasi dyshohet se ka tentuar të vrasë të dashurin e gruas.

Ngjarja 

Specialistët Kundër Krimit ndaj Jetës dhe Lirisë së Personit, në Drejtorinë Vendore të Policisë Kukës  bënë arrestimin në flagrancë të shtetasit;

-Dorian Idrizaj, 30 vjeç, banues në Tiranë.

Arrestimi i tij u bë pasi,  shtetasi Dorian Idrizaj  ka shkuar në banesën e shtetasit  K.K, në lagjen Nr.1, Kukës, ku prej disa ditësh shtetasi K.K bashkëjetonte me shtetasen E.A, ( bashkëshortja e shtetasit Dorian Idrizaj), dhe pas një konflikti verbal mes të dyve,  shtetasi Dorian Idrizaj  për motive xhelozie ka kanosur dhe  tentuar të vrasë me armë zjarri shtetasin K.K.