Tentuan të grabisnin dyqanin në Elbasan, dy autorët kapen “mat” nga pronari

Dy persona kanë rënë në prangat e policisë së Elbasanit, pasi kanë tentuar të grabisin një dyqan në metalurgji, në fshatin Bradashesh.

Gjatë orëve të vona të mbrëmje dy persona nga Librazhdi me banim në Durrës kanë tentuar të grabisin dyqanin.

Pronari rastësisht ka hapur kamerat dhe ka parë dy autorët teksa tentonin të hynin në dyqan dhe ka njoftuar menjëherë policinë.

Dy grabitësve u janë sekuestruar mjete, të cilat shërbenin për të hapur me thyerje dyer e dritare.