Tërhiqet kandidati i PD-së për Bashkinë e Kurbinit

Altin Biba, kandidati i propozuar nga Partia Demokratike për Bashkinë e Kurbinit, është tërhequr nga gara e zgjedhjeve të 21 Qershorit.

Kërkesa mësohet se është depozituar nga Komisionin Qendror të Zgjedhjeve, i cili prej disa ditësh po zyrtarizon kandidatët e propozuar nga koalicionet e drejtuara nga PS dhe PD, por edhe kandidatët e pavarur, që do të garojnë për zgjedhjet vendore.

Kandidatura e z. Biba u zyrtarizua vetëm një javë më parë nga Partia Demokratike, ndërsa kjo njësi vendore ishte ndër të fundit që janë përcaktuar kandidatët qoftë nga mazhoranca ashtu edhe nga opozita.