Tërmeti, Universiteti i Tiranës fillon mësimin më 10 dhjetor

Procesi mësimor në Universitetin e Tiranës rifillon më 10 dhjetor. Pas një ndërprerje disa ditore për shkak të situatës së tërmetit tragjik, rektorati i Universitetit të Tiranës ka nxjerrë urdhrin për rifillimin e procesit mësimor në të gjitha njësitë kryesore të Universitetit të Tiranës. Në urdhrin që mban firmën e rektorit Mynor Koni, thuhet se drejtuesit kryesorë të UT të paraqesin propozimet konkrete për zëvendësimin e ditëve që nuk u zhvillua mësimi për arsye të pasojave të shkaktuara nga tërmeti i datës 26 nëntor. Urdhri i përcillet për zbatim të gjitha njësive kryesore të Universitetit të Tiranës.