Terrorizmi, mblidhet sot Këshilli i Sigurisë Kombëtare, Rama i raporton Nishanit
Presidenti Bujar Nishani ka thirrur pasditen e sotme mbledhjen e Këshillit të Sigurisë, në kuadër të masave ndaj sulmeve të mundshme terroriste.
Selia e kreut të shtetit ka bërë me dije, se zoti Nishani do të mbajë fjalën e hapjes.
Më pas do të raportojë kryeministri Edi Rama, dhe ministri i jashtëm Ditmir Bushati. Ky i fundit do të referojë për angazhimet dypalëshe rajonale në betejën kundër terrorizmit, edhe pas konkluzioneve të Këshillit të Bashkimit Europian.
Ministri Tahiri do të flasë për masat e marra në vend në kuadër të garantimit të sigurisë së qytetarëve dhe institucioneve. Shefi i Shtabit të Ushtrisë, Jeronim Bazo dhe drejtori i SHISH, Visho Ajazi Lika do të japin gjithashtu informacione në këtë kuadër.
Në fund, rreth orës 19.00, Presidenti Nishani do të bëjë konkluzionet e mbledhjes.