Tetori rozë, Fondacioni Spitalor i Nënës dhe i Fëmijës: Ne jemi këtu për t’ju mbështetur

Në kuadër të tetorit rozë-muajit të sensibilizimit të grave dhe vajzave për parandalimin e kancerit të gjirit, Fondacioni Spitalor i Nënës dhe i Fëmijës organizoi një aktivitet ndërgjegjësues me stafin e SUOGJ “Mbretëresha Geraldinë” për të ftuar çdo grua gjatë muajit tetor të kryejë kontrollin e gjirit! Apeli për të gjitha gratë dhe vajzat ishte: Ne jemi këtu për t’ju mbështetur, ndaj merrni kohë të kryeni kontrollet e gjirit! Parandalo sa nuk është vonë! Dr. Aurel Kopeci sqaron se çdo grua nën moshën 40 vjeç duhet të bëjë kontrollin e gjirit çdo vit, edhe kur nuk ka shenja shqetësuese. Ndërsa për ato mbi 40 vjeç, një mammogram vjetor është vendimtar për ta zbuluar në kohë çdo problem.