Thanë JO, ministrat e Francës dhe Holandës takim për Integrimin

Gjatë takimit midis Ministrave të Jashtëm të Francës dhe Holandës, do të flitet ndër të tjera edhe për fatin e Shqipërisë në rrugën drejt BE-së. Bëhet e ditur se Jean-Yves Le Drian, Ministër për Europën dhe Punët e Jashtme i Francës, do të vizitojë Holandën nga datat 27-28 janar. Jean-Yves Le Drian do të jetë i ftuari i nderit i këtij viti në Konferencën e Ambasadorëve në Holandë, të cilën ai do ta hapë. Gjatë konferencës, ministri do të nënvizojë rolin e Europës në menaxhimin e krizave ndërkombëtare dhe nevojën për të zhvilluar sovranitetin e vërtetë europian në çdo aspekt, veçanërisht në sferën digjitale.