Thellohet tragjedia, një luftë me kohën

Ushtria, forcat e policisë dhe ato të Emergjencës Civile, prej më shumë se 14 orësh, janë duke bashkëpunuar edhe me ekipet speciale të shteteve fqinjë për të nxjerrë njerëzit nga rrënojat e të paktën nëntë godinave të shkatërruara në Durrës, Thumanë dhe lagjen e Kënetës. Për fat të keq, numri i personave që kanë humbur jetën vazhdon edhe rritet. Momentalisht (18:46) janë raportuar 21 viktima, ndërkohë që numri i të plagosurve ka shkuar në më shumë se 600. Mes viktimave ka edhe fëmijë. Lëkundjet vazhdojnë duke vështirësuar kështu operacionet e kërkim-shpëtimeve. Për shkak të lëkundjeve të vazhdueshme, rritet rreziku i shkatërrimit të mëtejshëm të ndërtesave ku mendohet se ka ende persona nën rrënoja.