Themelimi i PBDNJ, Dule: Klasa politike të ofrojë vizion

Në 26 vjetorin e themelimit të partisë kreu i PBDNJ-së, Vangjel Dule nënvizoi se vendi tashmë është përballë sfidave të mëdha. Ndaj dhe ai kërkoi kontributin e të gjithë shoqërisë, por duke theksuar rolin e forcave politike

”Mbi të gjitha kërkohet vizion dhe këtë vizion është sfida e politikës ta ofrojë. Është momenti që të gjithë sëbashku si klasë politike pavarësisht divergjencave ti përgjigjemi sfidës, ti rikthehemi politikës ti japim shoqërisë vizion”,-tha Dule.

Megjithatë Dule nënvizoi dhe respektimin e të drejtave të njeriut.

”Meqë fizionomia jonë ka aspektin ndër më delikat atë të dimensionit human, i cili kudo dhe kurdoherë edhe në demokracitë më të konsoliduara shoqërohet shpesh herë nga paragjykime dhe sterostipe shpesh herë edhe keqkuptime”.

Përfaqësues të trupit diplomatik, politikanë dhe mbështetës të PBDNJ morën pjesë në 26 vjetorin e themelimit të kësaj force politike, duke vlerësuar dhe kontributin për reformat në Shqipëri.