Thirrja për delegatët e Kuvendit Kombëtar të PD, Berisha: Firmosni për mbledhjen

Në takimin e kësaj pasditeje me demokratët në Gjirokastër në kuadër të turit ”Foltorja, për një PD të bashkuar”, Sali Berisha ka zbuluar një bisedë me anëtarin e kryesisë së degës të Rrogozhinës, i cili tregonte se ishin hequr 40% të anëtarëve në lista. Po ashtu Berisha i bëri thirrje delegatëve të Kuvendit Kombëtar të PD në Gjirokastër, Përmet, Tepelenë, Memaliaj që të firmosin për mbledhjen e Kuvendit dhe të votojnë si të duan.

”Erdhi dje një anëtar i kryesisë së degës së Rrogozhinës, e di ç’bëri tha? Anëtarëso sa të duash për veten e për mua. Po ç’na doli? Kur solli listat, kishte hequr mbi 40% të listave. Asnjëri nuk anëtarësohet për kryetarin, çdo demokrat anëtarësohet për idealet e tij për PD.

Ndaj dhe ftoj të gjithë delegatët e Kuvendit Kombëtar të PD të degës Gjirokastër, Përmet, Tepelenë, Memaliaj, pa përjashtim të firmosni për mbledhjen e Kuvendit.

Si të doni votoni në Kuvend, por firma juaj është ndërgjegja juaj për një parti që respekton votën e lirë. Ju e shihni se ç’ndodh. Peng kryetarin e ka marrë në patronazh qeveria me propagandën e saj. Ka të tjerë që përpiqen t’i mbushin mendjen qytetarëve që nuk ka rëndësi procedura, nuk ka rëndësi vota, këta janë mercenarë”.