Thyen traun e doganës në Kakavijë, ndaj shqiptarit rëndojnë tri akuza

Në këtë kohë të ”udhëhequr” nga pandemia e Covid-19, ka edhe nga ata që shkelin masat dhe rregullat e vendosura. I vendosur për të bërë një sakrificë në tokën greke ishte një shqiptar, i cili e dinte se nuk mund të hynte në zonën e Shengenit dhe nuk hezitoi të thyente barrierat doganore.

Ngjarja ndodhi të dielën vonë, ku shqiptari me një makinë private arriti të kalonte pikën e kalimit duke mos u kontrolluar nga doganierët. Menjëherë u dha një alarm dhe filluan kërkimet.

Automjeti u gjet pak më vonë nga policia në rrugën nacionale Kakavijë-Janinë, ndërsa shoferi që nuk kishte dokumente për qëndrimin e tij në Greqi u ndalua dhe u arrestua.

Ndaj tij u ngrit një çështje për shkelje të masave për parandalimin e sëmundjeve, dëmtim të dalluar të pasurisë publike dhe hyrje të paligjshme në vend.