Tirana pret sot Ministrat e Brendshëm nga 26 shtete të BE-së

Tirana do të presë sot Ministerialin e Ministrave të Brendshëm, në kuadër të Procesit të Berlinit.

Krerët e delegacioneve nga 26 vende të Bashkimit Europian dhe Ballkanit Perëndimor do të mblidhen në Pallatin të Kongreseve për të diskutuar për rritjen e bashkëpunimit në luftën kundër krimit të organizuar dhe atij kibernetik.

I pari që mbërriti në vendin tonë ishte ministri anglez i emigracionit, Robert Jenrick. Ai zhvilloi dhe një takim në Ministrinë e Brendshme ku diskutoi për çështjen e emigrantëve shqiptarë të paligjshëm në Britani.

Takimi pritet të zhvillohet pranë ambienteve të Pallatit të Kongreseve.

Gjatë kësaj mbledhjeje të përbashkët thuhet se do të diskutohet për menaxhimin e Integruar të kufijve, bashkëpunimi Rajonal në luftën kundër krimit të organizuar, si dhe partneritetin për krimin kibernetik në Ballkanin Perëndimor.