Tiranë, makina që lëvizin me 164 km/h

Policia njofton se edhe gjatë mbrëmjes së të shtunës ka vijuar kontrollet me Radar në rrugën Tiranë-Durrësi.

“Fundjave për tu argëtuar, por ju për të abuzuar me rregullat e qarkullimit rrugor duke rrezikuar jetën dhe njëkohësisht edhe rrezik për përdoruesit e rrugës”, shkruhet në faqen e Policisë së Shtetit në Facebook, teksa bëhet me dije se janë konstatuar drejtues automjetesh që lëviznin me shpejtësi 160 km/h deri në 164 km/h.

Po kështu, Policia njofton se në të gjitha rrugët e Tiranës janë ushtruar kontrolle për të evidentuar dhe ndëshkuar ata drejtues mjetesh që drejtojnë mjetin nën efektin e alkoolit apo në gjendje të dehur.

“Alkooli në timon vret jetën, përdor mjetet e transportit publik në rast se ke konsumuar alkool dhe je drejtues mjeti, mos drejto mjetin në gjendje të dehur”, njofton policia.