Tiranës i hapet kantieri i ri: Nga Fabrika e Miellit në Kombinat, përfshi Astirin

Bëhuni gati një tjetër kantier në Tiranë. Shumë shpejt do të nisë rruga e re nga Fabrika e miellit, pra shkolla teknologjike në Kombinat në Tiranë.

Kryetari i bashkisë Erion Veliaj deklaroi se ky aks do të bëhet njësoj si rruga “Dritan Hoxha” me korsitë respektive.

Shumë shpejt do të nisë ndërhyrja edhe në zonën e Astirit, zona e Unazës së re, Kashari, Yzberishti, Yrsheku.

Një zonë e lënë pas dore dhe e çorganizuar nga komuna që jepte vetëm vend për pallate por nuk linte vend për shkolla, kopshte, dhe kënde lojrash. Me këtë sinjalizojmë një fillim ndërhyrjesh në të gjitha zonat e periferisë, siç bëmë tek Fresku e Liqeni i Thatë” u shpreh Veliaj në analizën vjetore të drejtorive të punës së qytetit.

Këto ditë do të nisë dhe rehabilitimi i Unazës së Tiranës. Do të ketë tapet të ri, vizime e sinjalistika.