Tjetër ambasadore e huaj mbaron mandatin, Elsa Hastad: Shqipëria një vend i bukur, kalova 4 vite fantastike

Një tjetër diplomate e huaj ka mbaruar mandatin e saj në Tiranë. Ambasadorja e Suedisë në Shqipëri, Elsa Hastad pritet të largohet nga vendi ynë pas përfundimit të mandatit.

Përmes një postimi në rrjetet sociale teksa njofton largimin, thotë se ka kaluar katër vite fantastike në Shqipëri.

“Ky është postimi im i fundit nga Shqipëria. Faleminderit për 4 vite fantastike në këtë vend të bukur. Ka qenë një nder i vërtetë të përfaqësoj Suedinë. Ju dua të gjithëve! Shihemi vërdallë! Mirupafshim”, shkruan ambasadorja suedeze.