Tjetër sherr me thikë, plagoset 20-vjeçari në Qytetin Studenti

Në zonën e “Qytetit Studenti” ka ndodhur një tjetër sherr me thikë, si pasojë e të cilit një person është plagosur.

Mësohet se autori dhe i plagosuri janë të dy studentë.

I plagosuri me thikë është 19-vjeçari A. Demiraj. Sipas burimeve, ai ka marrë tre plagë: një në brinjë, një në qafë dhe një në shpatull, ndërkohë autori i dyshuar është shtetasi A. Ajvazi.

Tiranë/Informacion paraprak

– Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve.

Po punohet për sqarimin e rrethanave të ngjarjes.