Tom Doshi: Spartak Braho të shpallet fajtor për shpifje
Tom Doshi kërkoi sot në Gjykatën e Lartë shpalljen fajtor për shpifje të deputetit Spartak Braho.
Deputeti Doshi i referohet një deklarate të Brahos pranverën e shkuar në Kryesinë e Kuvendit, ku ai e akuzon deputetin shkodran për raport të falsifikuar mjekësor, që t’i shmangej mbledhjes së Komisionit të Mandateve.
Ndërkaq avokati i Spartak Brahos, Bledar Fejzo kërkoi që çështja të pushohet pasi nuk ka vepër penale.
Në këto kushte, prokurori Sokol Stojani kërkoi kohë për t’u shprehur lidhur me fajësinë apo pafajësinë e deputetit Spartak Braho.
Seanca e radhës do të jetë të hënën e ardhshme./ABCNews