”Top 10” e PD-së në Tiranë, Basha i pari kurse Berisha i teti. Suprizon Grida Duma

Numërimi për kandidatët e qarkut të Tiranës po vijon me ritme të larta. Koaliconi PD-AN (Partia Demokratike dhe aleatët)) në qarkun e Tiranës ka arritur që të marrë 15 mandate deputetësh në zgjedhjet e 25 prillit dhe tani po numërohen votat e qytetarëve, për kë kandidat ata kanë votuar më shumë.

Lulzim Basha më i votuari në Tiranë me 5,670 vota. Pas tij renditet Agron Shehaj me 4,484 vota dhe i treti Belind Këlliçi me 3,986 vota.

E katërta në këtë qark renditet Grida Duma me 3,395 vota, e cila ishte edhe drejtuese politike në Kavajë dhe Rrogozhinë. I pesti renditet Flamur Noka me 2,740 vota që ishte drejtues në Kamëz dhe i gjashti Shpëtim Idrizi me 2,693 vota.

Në vendin e shtatë renditet Jorida Tabaku me 2,490 vota dhe në të tetin me 2,328 është ish-kryeministri Sali Berisha. Në vendin e nëntë dhe të dhjetë gjejmë dy aleatët e Bashës, Fatmir Mediu dhe Dashamir Shehi me respektivisht me 2,213 dhe 2,017 vota.