Tragjedia italiane, brenda 24 orëve 627 të vdekur

Vijon me ritme të larta bilanci i viktimave dhe i të prekurve me koronavirus në Itali. Numri i viktimave të koronavirusit në vendin fqinj mbërriti në 4.032 brenda katër javësh.

Në konferencën për shtyp të së premten, kreu i Mbrojtjes Civile, Borrelli njoftoi se numri i viktimave në 24 orët e fundit është rritur me 627 duke shkuar në 4032. Gjithashtu janë edhe 4670 të prekur të rinj duke cuar numrin në total 37.860 nga virusi me origjinë nga Kina.

Sistemi i shumë lavdëruar shëndetësor i Italisë është sot në buzë kolapsi, sidomos në veriun e pasur të vendit, ku është dhe përqendrimi më i madh i infektimeve.

Mjekët kinezë që kanë mbërritur dy ditë më parë në Milano për të ndihmuar thanë se masat e marra në Lombardi nuk ishin “të rrepta mjaftueshëm”.

Situata

Numri i personave të infektuar është 47 021 e 2655 prej tyre janë në gjendje kritike për jetën e po kurohen në repartet e terapive intesvie.

Edhe persona të infektuar nga koronavirusi janë 5986 më shumë se një ditë më parë.

Numri i pacientëve që po kurohen në struktura spitalore është 16 020 e 19 185 po kurohen në kushte shtëpie.

Numri i personave të shëruar ka arritur sot më 5129 e janë, 689 të shëruar më shumë se një ditë më parë.

Situata në rajonin e Lombardisë mbetet kritike ku deri sot janë 22 264 pacientë të infektuar e 2549 viktima. 1060 pacientë në këtë rajon janë në gjëndje kritike për jetën. Brenda 24 orësh në Lombardi janë regjistruar 380 viktima.

Rajoni i Bazilikatës është rajoni me numrin më të ulët të personave të infektuar, 52 e deri më tani nuk ka asnjë viktimë.

Rajoni i Lazios ka regjistruar sot një rritje shqetësuese në krahasim me një ditë më parë. Numri i personave të infektuar ka arritur sot më 1008 e janë shënuar deri më tani 48 viktima.

Në Itali janë kryer deri më sot 206 886 tampone.