Tragjike, ndërron jetë 17-vjeçari. Pësoi arrest kardiak në palestrën e shkollës

Një 17-vjeçar ka humbur jetën në ambientet e shkollës. Ngjarja tragjike ka ndodhur këtë të premte në Durrës. Rreth orës 15:15 i riu i cili ndodhej në palestër, është ndjerë keq dhe ka humbur ndjenjat. Menjëherë është transportuar me ambulancë për ndihmë mjekësore, por ka ndërruar jetë. Nga të dhënat paraprake, dyshohet se vdekja e adoleshentit me inicialet F.S. ka ardhur për shkaqe natyrale (arrest kardiak).